विदेशी मुद्रा सञ्चितिमा उल्लेख्य सुधार भएको छः देउवा

काठमाडौँ। नेपाली काँग्रेसका सभापति शेरबहादुर देउवाले काँग्रेस–नेकपा एमालेबीचको सात बुँदे सहमतिको एउटा महत्वपूर्ण उद्देश्य अर्थतन्त्र चलायमान बनाउनु रहेको बताएका छन् ।

पार्टी केन्द्रिय कार्यालय सानेपामा आयोजित एक कार्यक्रमलाई मंगलवार सम्बोधन गर्दै उनले यस्तो बताएका हुन् । उनले सशस्त्र द्वन्द्व, २०७२ को महाभूकम्प, कोभिड १९ महामारी, रुस–युक्रेनबीचको द्वन्द्वले समेत नेपालको अर्थतन्त्रमा नकारात्मक असर पारेको बताए । त्यसका बाबजुत पनि मुलुकले आर्थिक स्थायित्व कायम गर्न सक्नुमा २०४८ पछि नेपाली काँग्रेसले बसालेको बलियो अर्थतन्त्रको जग रहेको स्पष्ट पारे । वर्तमान अवस्थामा अर्थतन्त्रको वाह्य सूचकहरु सरकारको चालु खाता शोधनान्तर वचत निरन्तर बढ्दै गएको उल्लेख गरे । विदेशी मुद्रा सञ्चितिमा उल्लेख्य सुधार हुनुका साथै रेमिटेन्सको उच्चदरमा वृद्धि भएको दाबी गरे ।

सभापति देउवाले भने, ‘नेपाली काँग्रेस र नेकपा एमालेबीच भएको सात बुँदे सहमतिको एउटा महत्वपूर्ण उद्देश्य अर्थतन्त्र चलायमान बनाउनु पनि हो । लामो सशस्त्र द्वन्द्व, २०७२ को महाभूकम्प, कोभिड १९ महामारी, रुस–युक्रेनबीचको द्वन्द्वले समेत नेपालको अर्थतन्त्रमा नकारात्मक असर पारेको छ । यसका बाबजुत मुलुकले आर्थिक स्थायित्व कायम गर्न सक्नुमा २०४८ पछि नेपाली काँग्रेसले बसालेको बलियो अर्थतन्त्रको जग नै हो । वर्तमान अवस्थामा अर्थतन्त्रको वाह्य सूचकहरु सरकारको चालु खाता शोधनान्तर वचत निरन्तर बढ्दै गएको छ । विदेशी मुद्रा सञ्चितिमा उल्लेख्य सुधार भएको छ । रेमिटेन्सको उच्चदरमा वृद्धि भएको छ ।’

सभापति देउवाले गत वर्षको तुलनामा आयात १३.१ प्रतिशत र निर्यात ७७ प्रतिशतले वृद्धि भएको छ ।