म्यानमारमा बाढीका कारण ४ जनाको मृत्यु, ४ बेपत्ता

एजेन्सी। पूर्वी म्यानमारको शान राज्यमा आएको बाढीमा परी चार जनाको मृत्यु भएको छ । अन्य चार जना अझै बेपत्ता रहेको स्थानीय प्रहरी अधिकारीले बताएका छन् । आईतवार राति भएको भारी वर्षाका कारण बाढी आएको हो ।

पानी पिन्डाया टाउनशिपको कोनेसाङ गाउँमा पाँच घर बगाएको र आठ जना बेपत्ता भएका छन् । सोमवार चार जनाको शव फेला परेको छ भने बाँकी बेपत्ता व्यक्तिहरूको खोजी कार्य जारी रहेको बताइएको छ ।