१२ श्रावण २०८२, सोमबार
काठमाडौं। महालेखा परीक्षक तोयम रायाले मन्त्रालयका सचिवहरुलाई लेखा परीक्षण कसरी हुन्छ भनेर सिकाउनुपर्ने जरुरी देखिएको बताएका छन् ।
सोमवार सिंहदरबारमा बसेको सार्वजनिक लेखा समितिको बैठकमा बोल्दै उनले यस्तो बताएका हुन् । उनले सचिवहरुले त्यत्तिकै लेखियो, छलफल नै भएन, प्रक्रिया मिलाउनै गाह्रो भयो जस्ता गुनासो गरेको भन्दै यसबारेमा सचिवहरुलाई सिकाउन जरुरी देखिएको उल्लेख गरे । आफैँ प्रक्रिया बनाउने र आफैँ प्रक्रिया मिलाउनै गाह्रो भयो भन्न नमिल्ने उनको भनाइ छ । सूचनामा नै करको प्रतिशत नै तोकेर लेख्नु भन्दा प्रचलित कानून बमोजिम कर लाग्ने भन्ने भाषा प्रयोग गर्न सचिवहरुसँग आग्रह गरे ।
उनले भने, ‘मैले के ठानेँ भने लेखा परीक्षण गर्दा केके गर्दैछौँ भन्ने विषयहरु सचिवज्युहरुलाई जानकारी गराउनैपर्ने ठानेँ । त्यत्तिकै लेखियो, छलफल नै भएन । यो त प्रक्रिया मिलाउनै गाह्रो भयो । यस्ता प्रश्न गर्ने हो की होइन मलाई थाहा भएन । प्रक्रिया कसले बनाएको ? प्रक्रिया हामीले बनाएको हो । होला मन्त्रीज्युहरुले सदर गर्नुभयो होला क्याबिनेटमा सदर भयो होला तर लेख्ने त हामी हौँ । पुयाउनै नसक्ने प्रक्रिया किन लेखेको ? प्रक्रिया पुयाउनुपयो भने त ६० प्रतिशत बेरुजु हुन्छ । यस्ता यस्ता कार्यविधि देखेको छु । अन्तिममा यसको प्रतिवेदन अनुगमन परीक्षकले अन्तिम लेखा परीक्षण गर्दा गर्नेछ, यो किन लेखेको ? त्यो लेख्नुभएको छ । त्यही बुँदा पक्रिएर बेरुजु देखिएको छ ।’
महालेखा परीक्षक रायाले ०७२ साल अघिका बेरुजु खारेज गर्नु उचित हुने राय राखे ।
प्रकाशित मिति: १२ श्रावण २०८२, सोमबार
