११ श्रावण २०८२, आईतवार
काठमाडौँ। नेकपा (माओवादी केन्द्र) का सांसद शक्तिबहादुर बस्नेतले विकासका कामहरु जनताकेन्द्रित हुनुपर्ने बताएका छन् ।
आईतवार सिंहदरबारमा बसेको कृषि, सहकारी तथा प्राकृतिक श्रोत समितिको बैठकमा बोल्दै उनले यस्तो बताएका हुन् । समितिमा आईतवार भूमि सम्बन्धी केही नेपाल ऐनलाई संशोधन गर्न बनेको विधेयक, २०८२ मा परेका संशोधनका सम्बन्धमा संशोधनकर्ताहरुसँग छलफल भएको हो । तलफलका क्रममा बोल्दै उनले राष्ट्रिय हित भनेकै जनता केन्द्रित रहेको बताए । उनले नेपालले विकासको आफ्नो ढाँचा पनि जनताकेन्द्रित गर्नुपर्ने बताए । प्रत्यक्ष जनताको हित, सरोकारसँग जोडिएन भने कोरा बहसले मात्रै काम नगर्ने बताए ।
उनले भने, ‘हामीले हाम्रो विकासलाई जनता केन्द्रित नै बनाउनुपर्छ । राष्ट्रिय हित, लिभिङ स्टेट भनेको जनतै हो । हाम्रो विकासको मोडालिटी पनि जनताकेन्द्रित हुन जरुरी छ । त्यसले जनताको जीवनस्तरमा पार्ने प्रभावसँग जोडेर हेर्नैपर्छ हामीले । प्रत्यक्ष जनताको हित, सरोकारसँग जोडिएन भने कोरा हाम्रो बहसले न राष्ट्रको हित गर्दछ, न हाम्रो विकास र समुन्नतिलाई नै टेवा पुर्याउँछ ।’
सांसद बस्नेतले दक्षिण एशियाका अन्य मुलुकहरुको वन क्षेत्रको हाराहारीमा नेपालको संरक्षण क्षेत्र रहेको बताए ।
प्रकाशित मिति: ११ श्रावण २०८२, आईतवार
