१० श्रावण २०८२, शनिबार
अमेरिका। अमेरिकी राष्ट्रपति डोनाल्ड ट्रम्पले दिवंगत अमेरिकी फाइनान्सर जेफ्री एपस्टाइनसँग आफ्नो कुनैपनि सम्बन्ध नरहेको बताउंदै उनले डेमोक्र्याटहरूले यसलाई नक्कली प्रचार गरिरहेको आरोप लगाएका छन् ।
ट्रम्पले स्कटल्याण्ड प्रस्थान गर्नुअघि ह्वाइट हाउसमा पत्रकारहरूलाई आफ्नो उक्त व्यक्तिसँग कुनै सम्बन्ध नरहेको स्पष्ट पारेका छन् । २००३ मा एपस्टाइनले आफ्नो ५० औं जन्मदिनको लागि प्राप्त गरेका हस्तलिखित पत्रहरूमध्ये डोनाल्ड ट्रम्पको हस्ताक्षर भएको पत्र थियो । अमेरिकी राजनीतिक तथा व्यावसायिक अभिजात वर्गसँग व्यापक सम्बन्ध राख्ने एपस्टाइनलाई यौन अपराधको आरोपमा पक्राउ गरिएको थियो । अगस्ट २०१९ मा जेलमै उनको मृत्यु भयो ।
२०२४ को आफ्नो राष्ट्रपति अभियानको क्रममा ट्रम्पले पुनः निर्वाचित भएमा एपस्टाइनसँग सम्बन्धित कागजातहरू जारी गर्ने वाचा गरेका थिए ।
प्रकाशित मिति: १० श्रावण २०८२, शनिबार
