२५ चैत्र २०७९, शनिबार
२५ चैत्र, काठमाडाैँ । काठमाडाैँको ह्याम्स हस्पिटलमा हेलिकप्टर दुर्घटना भएको छ । शनिबार दिउँसो हस्पिटलको हेलिप्याडमा अवतरणका क्रममा हेलिकप्टर दुर्घटना भएको हो ।
दुर्घटनामा पाइलट सकुशल रहेको र कुनै मानवीय क्षति नभएको प्रहरीले जानकारी दिएको छ ।
अवतरणका क्रममा हेलिकोप्टरको पुच्छरको पंखा खुस्किएर अर्को घरमा पुगेको बताइएको छ ।
बिरामी लिनका लागि डाक्टर राखेर भरतपुर जान हेलिकप्टर हस्पिटल गएको बताइएको छ । यस सम्बन्धमा थप अनुसन्धान भइरहेको छ ।
प्रकाशित मिति: २५ चैत्र २०७९, शनिबार
