५ श्रावण २०८२, सोमबार
काठमाडौँ। लायन्स ईन्टरनेसनल डिष्ट्रिक्ट ३२५ एम नेपाल बागमति एरियाको वृहत वृक्षारोपण कार्यक्रम शनिवार लायन्स क्लब अफ काठमाडौं ब्राईट स्टार सहित ४० क्लबहरुको उल्लेख्य उपस्थितिमा काठमाडौंको चन्द्रागिरी नगरपालिका वडा नं. १३, कुवापाखोमा सम्पन्न गरेको छ ।
कार्यक्रम डिष्ट्रिक्ट चिफ (वृक्षारोपण) दुर्गा थापाको संयोजकत्वमा तथा पि एम जे एफ लायन धनिराम बरालको प्रमुख आतिथ्यमा, डिष्ट्रिक फष्ट लेडी लायन बिष्णु बराल तथा पि डि जी द्वय लायन महेन्द्र पैडेल र भिमलाल पौडेल, फष्ट भाईस डिष्ट्रिक गर्भनर लायन रत्न पराजुलि, डिष्ट्रिक्ट चिफ एडभाईजर एम जे एफ लायन बलराम सुबदी, चिफ अफ प्रोटोकल एम जे एफ लायन माधव पान्डे, प्रो ईन चिफ एम जे एफ लायन गिता शर्मा चापागाई, चिफ अफ ए ओ जि लायन यमुना भन्डारी लगायत डिष्ट्रिक्ट क्याबिनेटका सम्पुर्ण सिनियर लायन लिडर, ४० वटै क्लबका पदाधिकारी तथा सदस्यहरुको उपस्थिति रहेको थियो।
कार्यक्रमलाई विशेष महत्व दिएर पोखरा, स्यांजा, काठमाडौं लगायत विभिन्न स्थानबाट वृहत् वृक्षारोपण कार्यक्रमलाई सफल बनाउनको लागि नेतृत्व गणहरुको बाक्लो उपस्थिति रहेको थियो। यस कार्यक्रमका प्रमुख अतिथि तथा डिष्ट्रिक्ट गभर्नर पि एम जे एफ लायन धनिराम बरालले विश्वले झेलिरहेको ग्लोवल वार्मिंग जस्तो जटिल परिवेशमा यस वृक्षाारोपण कार्यक्रमले वातावरणीय पर्यावरणलाई कायम राख्न थप सहयोग गर्ने बताएका छन् ।
प्रकाशित मिति: ५ श्रावण २०८२, सोमबार
