२८ असार २०८२, शनिबार
काठमाडौँ। पूर्वप्रधानमन्त्री एवं नेकपा (एकीकृत समाजवादी) का सम्मानित नेता झलनाथ खनालले संसदीय प्रणाली पुँजीपति वर्गको लोकतन्त्र भएको टिप्पणी गरेका छन् ।
शनिवार चीनको भ्रमण सकेर स्वदेश फर्किएका उनले सञ्चारकर्मीहरुसँग कुरा गर्दै उनले यस्तो बताए । उनले पुँजीपति वर्गको लोकतन्त्रले आम जनताको हित गर्छ भन्नेकुराको कल्पना गर्न नसकिने बताए । पुँजीवादी लोकतन्त्रले विगतको राजतन्त्रको तुलनामा केही खुला वातावरण, केही अधिकार दिएको बताए । मान्छेले जबसम्म खाना, नाना र छानाको व्यवस्था पाउँदैन देशमा गरिबी, शोषण, अन्याय, अत्याचार रही रहन्छ त्यो लोकतन्त्र जनताको लोकतन्त्र नहुने बताएका छन् ।
पूर्वप्रधानमन्त्री खनालले भने, ‘संसदीय शासन व्यवस्था भनेको पुँजीपती वर्गको लोकतन्त्र हो । पुँजीपति वर्गको लोकतन्त्रले आम जनताको हित गर्छ भन्नेकुराको कल्पनै गर्न सकिँदैन । पुँजीवादी लोकतन्त्रले खालि हिजोको निरंकुश राजतन्त्रको तुलनामा के दियो भन्दा अलि खुला वातावरण, केही हक अधिकार, बोल्ने, लेख्ने, आलोचना गर्ने अधिकार दियो । यि नराम्रा कुरा होइनन्, तर यही पर्याप्त होइन, खोइ खाने अधिकार, खोइ लगाउने अधिकार ? खोइ ओत लाग्ने अधिकार ? मान्छेले जबसम्म खाना, नाना र छानाको व्यवस्था जबसम्म हुँदैन, देशमा गरिबी, शोषण, अन्याय, अत्याचार रही रहन्छ त्यो लोकतन्त्र जनताको लोकतन्त्र हुँदैन ।’
पूर्वप्रधानमन्त्री खनालले जनताको लोतन्त्र प्राप्त गर्न समाजवादी लोकतन्त्रमा पुग्नु अनिवार्य रहेको छ ।
प्रकाशित मिति: २८ असार २०८२, शनिबार
