२३ चैत्र २०७९, बिहीबार
२३ चैत्र, काठमाडाैँ । प्रधानमन्त्री एवं नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले कोशी प्रदेशको नाम सच्याउन पहल गर्ने बताएका छन् ।
पहिचानका आधारमा प्रदेशको नामाकरण माग गर्दै ज्ञापनपत्र बुझाउन पुगेका पार्टी निकट जनवर्गीय संगठनसँग कुरा गर्दै प्रधानमन्त्री प्रचण्डले कोशी प्रदेशको नाम सच्याउन पहल गर्ने आश्वासन दिएका हुन् ।
बिहीबार प्रधानमन्त्री प्रचण्डसमक्ष पार्टी निकट विभिन्न जनवर्गीय संगठनहरूले पहिचानको आधारमा प्रदेशको नामाकरणको माग गर्दै ज्ञापनपत्र पेश गरेका थिए।
उक्त ज्ञापनपत्रमा प्रदेशको नामाकरण भएपछिको परिणाम र त्यसबाट उत्पन्न नतिजाको सरकारले क्षतिपूर्ति दिनुपर्ने समेत माग गरिएको छ ।
प्रकाशित मिति: २३ चैत्र २०७९, बिहीबार
