२२ चैत्र २०७९, बुधबार
२२ चैत्र, काठमाडाैँ । नेपाली कांग्रेसले सरकारमा जाने थप २ जनाको नाम टुंगो लगाएको छ ।
बुधबार सभापति शेरबहादुर देउवाको निवास धुम्बाराहीमा बसेको बैठकले मन्त्री बन्ने २ जनाको नाम टुंग्याएको हो । ८ जना मन्त्रीको भाग पाएको कांग्रेसले ४ जना मात्रै पठाएको छ ।
अबको चरणमा केन्द्रीय सदस्यद्वय मोहनबहादुर बस्नेत र एनपी साउद मन्त्री बन्ने निश्चित भएको बताइएको छ ।
गत चैत्र १७ गते प्रधानमन्त्री प्रचण्डले गरेको मन्त्रिमण्ड बिस्तारमा कांग्रेसबाट उपप्रधानमन्त्रीसहित रक्षा मन्त्रीमा उपसभापति पूर्णबहादुर खड्का, अर्थमन्त्रीमा प्रवक्ता प्रकाशशरण महत, सहरी विकास मन्त्रीमा सीता गुरूङ र उद्योग मन्त्रीमा रमेश रिजाल नियुक्त भएका छन् ।
प्रकाशित मिति: २२ चैत्र २०७९, बुधबार
