१७ जेष्ठ २०८२, शनिबार
ललितपुर। ललितपुर महानगरपालिकाले मनसुनजन्य विपद्लाई मध्यनजर गर्दै २४ जनालाई विपद् उद्धार सम्बन्धी तालिम दिएको छ ।
सरदर भन्दा बढी वर्षा र गर्मी हुने विज्ञहरुको अनुमानसँगै सरकारले विपद् उद्धारका लागि तालि लगायतको आवश्यक प्रवन्ध शुरु गरिसकेको छ । ललितपुर महानगरपालिकाबाट राष्ट्रिय विपद् जोखिम न्युनिकरण तथा व्यवस्थापन प्राधिकरणले केही दिनअघि मात्रै विपद् उद्धार तालिम शुरु गरेको थियो । विपद् उद्धार सम्बन्धी तालिम समापन कार्यक्रममा बोल्दै ललितपुर मेयर महर्जनले २४ जनाले लिनुभएको विपद्सम्बन्धी तालिमले भविष्य राम्रो हुने बताए । उनले विपद् सम्बन्धी प्रशिक्षणले आगामी दिनमा मनसुनजन्य विपद्का बेलामा आइपर्ने समस्या समाधान गर्न सहज हुने विश्वास व्यक्त गरेका छन् । उनले विपद्सम्बन्धी तालिम अब नरोकिने पनि स्पष्ट पार्दै बजेट निर्माणको चरणमा आफूहरु रहेको र तालिमका कार्यक्रमहरु राख्न उचित समय रहेको बताए ।
मेयर महर्जनले विपद् आइसकेपछि गर्नुपर्ने उद्धारका कुरामा महानगरले आवश्यक तयारी गरिरहेको पनि जानकारी गराउदै विपद्सँग लड्न प्रत्येक वडामा विपद्सम्बन्धी तालिम लिएको युवा जनशक्ति आवश्यक हुने बताएका छन् ।
प्रकाशित मिति: १७ जेष्ठ २०८२, शनिबार
