८ जेष्ठ २०८२, बिहीबार
काठमाडौँ । पूर्वराजा ज्ञानेन्द्र शाहले फेरि राजावादी नेताहरुसँग भेट गरेका छन् ।
वर्तमान व्यवस्थाविरुद्ध जेठ १५ देखि अनिश्चितकालीन आन्दोलनको घोषणा गरेका नवराज सुवेदी नेतृत्वको राजावादी समूह सँग पुर्व राजा ज्ञानेन्द्र शाहले भेट गरेका हुन् । काठमाडौँको एक होटलमा सुवेदीसहित राप्रपा नेपालका अध्यक्ष कमल थापा, राप्रपाका अध्यक्ष राजेन्द्र लिङ्देन र अर्का राजावादी नेता केशर बहादुर विष्ट ज्ञानेन्द्रलाई भेट्न पुगेका थिए ।
भेटघाटको क्रममा के कुराकानी भयो भन्नेबारे केही खुलाइएको छैन ।
आजै मात्र सञ्चार तथा सूचना प्रविधिमन्त्री एवं सरकारका प्रवक्ता पृथ्वीसुब्बा गुरुङले राजावादीहरुको आन्दोलनलाई प्रतिवन्ध लगाउने सम्मको अधिकार सरकारलाई रहेको बताउदै उदारतापूर्वक संविधानको विरोध, थापित लोकतन्त्रको मूल्य मान्यताको विरोध गर्ने र वर्तमान शासन प्रणाली उल्ट्याउन चाहनेहरुलाई पनि सभा, आन्दोलनका कार्यक्रम गर्न दिइरहनु सरकारको कायरता नभइ उदारता भएको र कमजोरी नठान्न चेतावनी दिएका छन् ।
प्रकाशित मिति: ८ जेष्ठ २०८२, बिहीबार
