२१ चैत्र २०७९, मंगलवार
२१ चैत्र, काठमाडाैँ । नेविसंघले रिले अनशन स्थगित गर्ने भएको छ । चार बुँदे सहमति भएसँगै रिले अनशन स्थगित गर्ने भएको हो ।
नेविसंघको एक समूह पार्टी केन्द्रीय कार्यालय सानेपामा केही दिनदेखि अनशनमा बसेको थियो ।
मंगलबार सहमहामन्त्री भीष्मराज आङ्दम्वेको रोहवरमा नेविसंघ वृहत संघर्ष समितिका उज्वल बज्राचार्य, नेविसंघ अध्यक्ष दुजाङ शेर्पा र कांग्रेस केन्द्रीय कार्यालय सचिव प्रेम केसीले सहमतिमा हस्ताक्षर गरेका छन् ।
दुजाङको अध्यक्षतामा नेविसंघलाई १० दिनभित्र पूर्णता दिने, १२ औं महाधिवेशन ८ महिनाभित्र गर्ने लगायत सहमति भएको छ ।
प्रकाशित मिति: २१ चैत्र २०७९, मंगलवार
