ललितपुर शिर्ष स्थानमा उक्लियो, एफसी चितवनको पहिलो हार

काठमाडौँ। ललितपुर सिटी एफसीले नेपाल सुपर लिग (एनएसल) को तेस्रो संस्करणमा दोस्रो जित निकालेको छ ।

दशरथ रंगशालामा बिहीवार भएको चौथो खेलमा ललितपुरले एफसी चितवनलाई २–१ ले हराउँदै दोस्रो जित निकालेको हो । ललितपुरका इमोह इजिइल र मणिकुमार लामाले गोल गरे । एफसी चितवनका भिक्टोर मानसारेले एक गोल गरे । जितपछि ललितपुरले एफसी चितवनलाई नै पछि पार्दै शिर्ष स्थानमा उक्लिएको छ । ललितपुरले चार खेलबाट ८ अंक जोड्यो । चितवनको पनि समान खेलबाट ७ अंक छ । तेस्रो जित निकाल्दै शीर्ष स्थानमा कायमै रहने चितवनको लक्ष्य पूरा भएन र पहिलो हार सामना ग¥यो । समग्रमा तेस्रो भेटमा ललितपुरले दोस्रोपल्ट चितवनविरुद्ध जित निकालेको हो । एक खेलको नतिजा भने बराबरीमा नै टुङ्गिएको थियो । ललितपुरले पहिलो र दोस्रो हाफमा समान एक गोल गरेको हो ।

पहिलो हाफमा ललितपुरले खेलमा पकड बनायो । चितवनले भने कमजोर प्रदर्शन ग¥यो । खेलको दोस्रो मिनेटमा ललितपुरले गोल गर्ने अवसर गुमायो । पापा इबाउ केबेले गोलकिपर अमल नाइटसँगको वान भर्सेस वानमा गोल गर्न सकेनन् । गोलकिपर नाइटले उनको प्रहार रोके । तर, तेस्रो मिनेटमा भने अमलकै फितलो प्रदर्शनमा ललितपुरले अग्रता बनायो । इजेकिइलले हेडर दोस्रो बारमा सुन्दर गोलमा परिणत भयो । मणिकुमारले करिब ३० यार्ड टाढाबाट हानेको फ्रिकिकलाई उनले हेड गरेका हुन् । १२औं मिनेटमा ललितपुरले अग्रता दोब्बर पार्ने अवसर गुमायो । मणिकुमारले बक्सबाहिरबाट गरेको सशक्त प्रहारलाई चितवनका गोलकिपर अमल नाइटले बचाए । यसबीच चितवनले आकर्षक अवसर नै बनाउन सकेन । पहिलो हाफको थप समयमा चितवनको आक्रमण सफल भएन ।

शिशिर लेखीको क्रसमा मानसरेको हेडरलाई ललितपुरका गोलकिपर जाफ्रे बाल्टुसले बचाए । यससँगै पहिलो हाफमा ललितपुरले १–० को अग्रता बनायो । तर, दोस्रो हाफमा चितवनले गोल फर्काउँदै बराबरीमा ल्यायो । ७४औं मिनेटमा चितवनले भिक्टोरको गोलबाट बराबरी गरेको हो । अन्जन विष्टको क्रसलाई शिशिर लेखीको सट ललितपुरका गोलकिपर सुमित श्रेष्ठले नियन्त्रणमा लिन सकेनन् । सो बललाई भिक्टोरले वान टचमार्पmत जाली चुमाएका हुन् । तर, ८०औं मिनेटमा मणिकुमारको उत्कृष्ट फ्रिकिक गोलबाट ललितपुरले फेरि अग्रता लियो । त्यसपछि दुवै तर्फबाट गोलका प्रयास भए पनि निस्किएन र ललितपुरले २–१ को जित निकाल्यो ।

चितवनले यसअघि पोखरा थन्डर्सलाई २–० र बुटवल लुम्बिनीलाई १–० ले हराउँदा झापा एफसीसँग १–१ गोलको बराबरीमा रोकिएको थियो । ललितपुरले भने पोखरा थन्डर्सलाई ३–२ ले हराउँदा काठमाडौं रेजर्ससँग २–२ को बराबरी र धनगढीसँग गोलरहित बराबरी खेलेको थियो ।