२२ चैत्र २०८१, शुक्रबार
पोखरा। विद्यालय तहमा अध्ययनरत तथा अभियन्ता प्रेन्सा रेग्मीले लोपोन्मुख राउटे समुदायका बालबालिकाहरुमा शिक्षासम्बन्धी मौलिक हकको कार्यान्वयन गर्न माग गरेकी छिन् ।
पोखराको गण्डकी बोर्डिङ स्कुलकी छात्रा रेग्मीले शुक्रवार काठमाडौंमा पत्रकार सम्मेलनको आयोजना गर्दै संविधानमा शिक्षा र बालबालिकासम्बन्धी मौलिक हक भएपनि राउटे समुदायका बालबालिका उक्त अधिकारबाट वञ्चित रहेको भन्दै सरकारको ध्यानाकर्षण गराएकी छिन् । उनले राउटे समुदायको बालबालिकाको शिक्षाको सुनिश्चितता गर्न सम्बन्धित स्थानीय सरकारलाई परामादेश जारी गर्न सर्वोच्च अदालतमा रिट दायर गर्ने तयारी गरिरहेको समेत बताउदै संविधानमा भएका केही त्रुटि औँल्याउँदै त्यसलाई सुधार गर्न जरुरी रहेको बताएकी छिन् ।
उनले संविधानको धारा २१५ को उपधारा ९ र धारा १०२ मा भएको व्यवस्था अस्पष्ट रहेको दाबी गर्दै तत्काल सच्याउनुपर्ने आवश्यकता रहेको बताइन् ।
प्रकाशित मिति: २२ चैत्र २०८१, शुक्रबार
