२० चैत्र २०७९, सोमबार
२० चैत्र, तनहुँ । आगामी वैशाख १० गते हुने प्रतिनिधिसभाको उपनिर्वाचनका लागि नेकपा एमालेका सर्वेन्द्र खनालले उम्मेदवारी दर्ता गराएका छन् । उनले तनहुँ- १ मा उम्मेदवारी दर्ता गराएका हुन् ।
खनालको प्रस्तावकमा भगवती न्यौपाने र समर्थकमा एकबहादुर राना रहेका छन् ।
उक्त क्षेत्रबाट मंसिरमा चुनाव जितेका रामचन्द्र पाैडेल राष्ट्रपतिमा विजयी भएपछि रिक्त रहेका कारण उक्त क्षेत्रमा उपनिर्वाचन गर्न लागिएको हो ।
तनहुँ – १ सँगै चितवन- २ र बारा – २ मा पनि उपनिर्वाचन हुँदैछ । उक्त क्षेत्रमा पनि उम्मेदवारी दर्ता गर्नेक्रम जारी छ ।
प्रकाशित मिति: २० चैत्र २०७९, सोमबार
