२० चैत्र २०७९, सोमबार
२० चैत्र, काठमाडाैँ । जनता समाजवादी पार्टीका प्रचार विभाग प्रमुख पूर्ण बस्नेतले राष्ट्रिय स्वतन्त्र पार्टी र जनमत पार्टीको राजनीतिलाई पूर्णविराम लगाउनु पर्ने बताएका छन् ।
उनले सामाजिक सञ्जालमार्फत उपनिर्वाचनले रास्वपा र जनमतको उरन्ठेउलो राजनीतिलाई पूर्णविराम लगाउनुपर्ने टिप्प्णी गरेका हुन् ।
उनले सामाजिक सञ्जालमार्फत भनेका छन्,’राजनीतिमा अराजनीतिक तत्वको प्रवेशले लोकतन्त्र, समानुपातिक समावेशिता, गणतन्त्र, संघीयता निरीह हुन थालेको छ। बाह्य हस्तक्षेप र प्रभाव बढाउने काम भएको छ। उपनिर्वाचनले रास्वपा र जनमतको उरन्ठेउलो राजनीतिलाई पूर्णविराम लगाउनुपर्छ।’
उनले राजनीतिको नाममा सस्तो लोकप्रियतामा आत्मरति गर्ने र जनतालाई भ्रमित पार्ने काम भइरहेको पनि टिप्पणी गरे ।
प्रकाशित मिति: २० चैत्र २०७९, सोमबार
