१९ चैत्र २०७९, आईतवार
१९ चैत्र, काठमाडाैँ । नेकपा एमालेका महासचिव शंकर पोख्रेलले एमालेमाथि गरिने प्रहार राष्ट्रमाथिकै प्रहार भएको बताएका छन् । पछिल्लो समय चाैतर्फी रूपमा एमालेमाथि प्रहार भइरहेको बताउँदै उनले यस्तो टिप्पणी गरेका हुन् ।
आइतबार पार्टी निकट लोकतान्त्रिक आदिवासी जनजाति महासंघको दोस्रो राष्ट्रिय महाधिवेशनलाई काठमाडौँमा सम्बोधन गर्दै महासचिव पोखरेलले भने, ‘यतिवेला राष्ट्रिय राजनीतिमा एमाले र एमाले नेतृत्वका विरुद्ध जस्तो प्रकारको घेराबन्दी र आक्रमण भइरहेको छ । त्यो आक्रमणको उद्देश्य के हो ? यो नेकपा एमालेलाई मात्रै कमजोर बनाउने उद्देश्य होइन । थार्थतामा नेपाल राष्ट्रलाई नै कमजोर बनाउने उद्देश्यका साथ एमालेमाथि प्रहार भइरहेको छ ।’
पोखरेलले देश अहिले ३ वटा संकटबाट गुज्रिरहेको बताउँदै त्यसको कारक कांग्रेस माओवादी नेतृत्वको गठबन्धन भएको पनि टिप्पणी गरे ।
प्रकाशित मिति: १९ चैत्र २०७९, आईतवार
