१९ चैत्र २०७९, आईतवार
१९ चैत्र, काठमाडाैँ । राष्ट्रिय स्वतन्त्र पार्टी (रास्वपा) एक्लै चुनाव लड्ने भएको छ ।
शनिबार पार्टी कार्यालय वसुन्धरामा आयोजित पत्रकार सम्मेलनमा उपनिर्वाचन तोकिएका सबै क्षेत्रमा गठबन्धन नगर्ने रास्वपाले जानकारी दिएको हो ।
पत्रकार सम्मेलनमा बोल्दै रास्वपाका सभापति रवि लामिछानेले भने, ‘निर्वाचन आयोगले नै गठबन्धन गरेर चुनावमा जानबाट रोक्नुपर्छ,’ उनले भने, ‘साँठगाँठ गरेर चुनाव लड्ने प्रवृत्तिले कुनै पनि दलको बहुमत नआउने र मुलुक अस्थिरतामा जाने भएकाले हामी कसैसँग गठबन्धन गर्दैनौँ, एक्लै चुनाव लड्छौँ ।’
शनिबार चितवन २, तनहुँ १ र बारा २ मा हुने उपनिर्वाचनमा रास्वपाका तीन उम्मेदवारले संयुक्त पत्रकार सम्मेलन गरेका थिए । आगामी वैशाख १० गते हुने उपनिर्वाचनमा रास्वपाका तर्फबाट चितवन २ मा रवि लामिछाने, तनहुँ १ मा स्वर्णीम वाग्ले र बारा २ मा रमेश खरेलले उम्मेदवारको टिकट पाएका छन् ।
गत मंसिरमा भएको चुनावामा चितवन २ बाटै निर्वाचित भएका लामिछाने नागरिकता सम्बन्धि मुद्दामा दोषी देखिएका कारण सांसदबाट बर्खास्त भएका थिए ।
प्रकाशित मिति: १९ चैत्र २०७९, आईतवार
