इन्स्पेक्टर सन्तोषी महत झुन्डिएको अवस्थामा मृत फेला ! हत्या कि आत्महत्या?

काठमाडाैं ।  सशस्त्र प्रहरी बल नेपालको एक महिला इन्स्पेक्टर मृत अवस्थामा भेटिएकी छन् । इन्सपेक्टर तालिमरत सिन्धुपाल्चोक पाँचपोखरी थाङपाल गाउँपालिका- ७ लागर्चे कि २९ वर्षीया सन्तोषी महत झुन्डिएको अवस्थामा मृत फेला परेकी हुन् ।

तीन महिनाअघि मात्र इन्स्पेक्टरमा नाम निकालेकी सन्तोषी तालिम गर्न पोखरा पुगेकी थिइन् । शनिवार राति ९ बजे ब्यारेकको शौचालयमा मृत अवस्थामा फेला परेको बताइएको छ ।उनी २०७२ सालमा सशस्त्र प्रहरीकाे जवानमा भर्ना भएकी थिइन् । उनले २०७८ सालमा असईमा नाम निकालेकी थिइन् । असईमा नाम निकालेकाे ३ वर्षपछि इन्सपेक्टरमा नाम निकालेकी थिइन् ।