१८ चैत्र २०७९, शनिबार
१८ चैत्र, काठमाडाैँ । नेकपा माओवादी केन्द्रका उपाध्यक्ष एवं पार्टी प्रवक्ता कृष्णबहादुर महराले देश अदृष्य शक्तिले चलाएको टिप्पणी गरेका छन् । उनले शनिबार प्रेस सेन्टर नवलपुरको साधारण सभाको उद्घाटन कार्यक्रममा यस्तो टिप्पणी गरेका हुन् ।
अहिले माओवादी केन्द्रका अध्यक्ष पुष्पकमल दाहाल प्रचण्डले प्रधानमन्त्री रहँदै सरकारको नेतृत्व गरिरहेका छन् । उनले शुक्रबार मात्रै मन्त्रिमण्डल बिस्तार गरेका थिए ।
उक्त कार्यक्रममा उनले भने, ‘अहिले हाम्रै पार्टीका अध्यक्ष कम्रेड प्रधानमन्त्री हुनुहुन्छ, तर देश अरुले नै चलाएको छ । प्रधानमन्त्री पुष्पकमल दाहाल प्रचण्ड, काँग्रेस सभापति शेरबहादुर देउवा, नेकपा एमाले अध्यक्ष केपी शर्मा ओली तीनैजना नेताहरु देश नेपालकै राजनीतिक दलले चलाउनुपर्छ भन्ने पक्षमा हुनुहुन्छ, तर त्यसो हुन सकिरहेको छैन ।’
उनले अहिले बन्दुक नभइ बन्दुक जत्तिकै शक्तिशाली अर्को हतियार ‘कलम’ उठाउनु पर्ने समय भएको बताए ।
प्रकाशित मिति: १८ चैत्र २०७९, शनिबार
