२९ माघ २०८१, मंगलवार
काठमाडौँ। लोकप्रिय गायिका एलिना चौहानले आफ्ना पूर्वपति विष्णु सापकोटालाई बाँकी जीवनको शुभकामना दिंदै सामाजिक सञ्जाल फेसबूकमा स्ट्याटस लेखेकी छन् ।
फेरा, चुरा, सिन्दुर, लगनगाँठो, विवाहदर्ता र शारीरिक मिलन मात्रै विवाह नभएको बताउदै उनले स्वतन्त्र भएर कानुनी रुपमै आ-आफ्नो गन्तव्य तय गर्न बाटो खुलेको बताएकी छिन्।
उनले लेखेकी छिन्,”अग्निलाई साक्षी राखेर ७ फेरा लगाउदा गलेका खुट्टाहरु अझै उस्तै छन्। तिम्रो हातले रंगिएको मेरो सिउदो अनि सिन्दुरका डोबहरु अझै उस्तै छन्। तिम्रा नाममा लगाएका हातभरिका चुरा अनि छिनछिन आवाज अझै उस्तै छन्।”
अन्त्यमा उनले पूर्वपति विष्णुलाई बाँकी जीवनका लागि शुभकामना दिँदै आफ्नो तर्फबाट पाउने सम्पत्ति पनि विष्णुकै प्रगति र उन्नतिका लागि छोडेको जनाएकी छन् ।
प्रकाशित मिति: २९ माघ २०८१, मंगलवार
