२९ माघ २०८१, मंगलवार
काठमाडाैं । नेकपा (माओवादी केन्द्र) कृष्णबहादुर महराले विप्लव नेतृत्व नेकपासँग छिट्टै पार्टी एकता हुने दाबी गरेका छन् । दाङको देउखुरीमा प्रेस सेन्टर नेपाल लुम्बिनी प्रदेशको तेस्रो अधिवेशनलाई सम्बोधन गर्दै महराले विप्लव नेतृत्वको नेकपासँग एकताको लागि पहल भएको भन्दै ढिलै भएपनि एकता हुने दाबी गरेका हुन् ।
उनले भने,‘अलि ढिलो होला, तर हामी र विप्लवजी एक ठाउँमा हुन्छौं ।’ लामो समय निश्क्रिय भएर बसेका महरा एकाएक राजनीतिमा सक्रिय हुन थालेका छन् ।पछिल्लो कार्यविभाजनअनुसार महरालाई जबस–मोर्चा तथा प्रतिष्ठान समूहतर्फ प्रतिष्ठान समन्वय संयोजक बनाइएको छ। उनी राज्य व्यवस्था मामिला संयोजक पनि छन्। संगठन विभागको नेतृत्वमा भने जनार्दन शर्मा छन्
प्रकाशित मिति: २९ माघ २०८१, मंगलवार
