१९ माघ २०८१, शनिबार
धनगढी । अछामको ढकारी गाउँपालिका-१ को छिन्ने जंगलमा मृत भेटिएका १४ वर्षीया इशरा खड्का र १५ वर्षीया सरस्वती खड्काको यौन प्रस्ताव अस्वीकार गर्दा हत्या हत्या भएको खुलेको छ ।
यही माघ ११ गते शुक्रबार गोठालो गएका १४ वर्षीया इशरा खड्का र १५ वर्षीया सरस्वती खड्का बेपत्ता भएर भोलिपल्ट छिन्ने जंगलमा मृत भेटिएका किशोरी फूपुभदैनी नाता रहेको र दुवै किशोरीको ढकारी गाउँपालिका ३ का १५ र १७ वर्षका दुईजना किशोरले ढुंगा प्रहारबाट हत्या भएको निष्कर्ष प्रहरीले निकालेको छ ।
उनीहरुलाई आज पत्रकार सम्मेलनमार्फत प्रहरीले सार्वजनिक गरेको छ । हत्यामा संलग्नहरूको उमेरका कारण नाम सार्वजनिक गरिएको छैन । प्रहरीले उनीहरुको परिवर्तित नाम (६९ मंगलसेन ७३) र (६९ मंगलसेन ७६) राखेको छ ।
प्रहरीका अनिसार मृतकहरु बाख्रा चराउन गएको जङ्गलमा आरोपितहरु किशोरीहरुको फोन सम्पर्क मार्फत जङ्गल पुगेका थिए । उहीहरु प्रेमी–प्रेमिका रहेको खुलेको छ ।मृतक इशरा परिवर्तित नाम ६९ मंगलसेन ७३ को प्रेमिका र मृतक सरस्वती खड्का परिवर्तित नाम ६९ मंगलसेन ७६ को प्रेमिका रहेको र परिवर्तित नाम ६९ मंगलसेन ७६ ले सरस्वतीसँग मायाको चिनो चुन्नी माग्दै सरस्वतीलाई शारीरिक सम्पर्कका लागि प्रस्ताव गर्दा सरस्वतीले उनको त्यो प्रस्ताव पनि अस्वीकार गरेकी थिइन् ।
पक्राउ परेकाहरुलाई ज्यान मार्ने कसुरमा अछाम जिल्ला अदालतबाट पाँच दिनको म्याद थप गरेर अनुसन्धान भइरहेको छ।
प्रकाशित मिति: १९ माघ २०८१, शनिबार
