१० माघ २०८१, बिहीबार
रुपन्देही । रास्वपाका सभापति एवम् पूर्वगृहमन्त्री रवि लामिछानेको थुनछेक बहस न्यायाधीश प्रल्हादकुमार योगीको इजलासमा छ । निष्पक्ष बनाउँन नेपालका अदालतमा चिठ्ठा टिपाएर न्यायाधीशलाई मुद्दा दिइन्छ ।
लामिछानेविरुद्ध बुटवलको सुप्रिम ऋण तथा बचत सहकारी संस्थाको रकम ठगी र संगठित अपराधको कसुरमा आइतबार मुद्दा दायर भएको थियो । लामिछानेको तर्फबाट बहस गर्न कानून व्यवसायी नारायणदत्त कंडेल भैरहवामा आइसकेको र रुपन्देहीमा रहेका कानून व्यवसायी गोविन्दप्रसाद मरासिनीलगायतले बहस गर्ने रास्वपा नेता गणेश पौडेलले जानकारी दिए ।
उनका अनुसार बुधबार सरकारी बयान लिने र सरकारी वकिलले नै बहस गर्ने भएकाले धेरै कानून व्यवसायी नजुटाइएको हो । त्यसपछि रविको तर्फबाट, सहकारी पीडितको तर्फबाट बहस हुनेछ । बहस सुनिसकेपछि न्यायाधीश योगीले नै थुनछेक आदेश दिनेछन् । न्यायाधीश योगीपनि न्याय क्षेत्रमा सहसचिवसम्म भएर न्यायाधीश भएका व्यक्ति हुन् । उनले २०७४ सालमा निजामति सेवा सेवा पुरस्कार समेत पाएका थिए । पुसको १६ गते मात्र न्यायाधीश योगीको दरबन्दी यहाँ कायम गरिएको हो । १० जना न्यायाधीशको दरबन्दी रहेको रुपन्देहीमा उनी पाँचौ नम्बरमा छन् ।
प्रकाशित मिति: १० माघ २०८१, बिहीबार
