१७ चैत्र २०७९, शुक्रबार
१७ चैत, काठमाडाैँ । सामाजिक सञ्जालबाट चिनिएका पुण्य गाैतमले चितवन २ बाट उपचुनाव लड्न टिकट माग गरेका छन् । उनले एमाले अध्यक्ष केपी शर्मा ओलीसँग आज भेटेर टिकट दिन आग्रह गरेका हुन् ।
उनले सामाजिक सञ्जालमा फोटो राख्दै ओलीसँग भेटेको र चितवन क्षेत्र नम्बर २ लगायत क्षेत्रको उपनिर्वाचनबारे सार्थक र प्रभावकारी कुरा भएको बताएका छन् ।
उनले ओलीसँग टिकट माग्दै चितवन २ मा रवि लामिछानेलाई हराएर देखाउने दाबी समेत गरेका बताइएको छ ।
नागरिकता सम्बन्धि मुद्दामा दोषी ठहरीएपछि उक्त क्षेत्रबाट निर्वाचित लामिछानेको सांसद पद खारेज भएको थियो । आगामी वैशाख १० मा उक्त क्षेत्रमा उपनिर्वाचन हुँदैछ ।
राष्ट्रिय स्वतन्त्र पार्टीबाट उक्त क्षेत्रमा रवि लामिछाने नै उम्मेदवार उठ्ने भएका छन् ।
प्रकाशित मिति: १७ चैत्र २०७९, शुक्रबार
