२ माघ २०८१, बुधबार
काठमाडौँ । प्रमुख प्रतिपक्षी दल नेकपा माओवादी केन्द्रको आह्वानमा माओवादी केन्द्र संसदीय दलको कार्यालय सिंहदरबारमाविपक्षी दलहरूको संयुक्त बैठक बसिरहेको छ । बैठकमा सरकारविरुद्धको रणनीतिबारे छलफल भइरहेको छ ।
बैठकमा माओवादी केन्द्रको तर्फबाट अध्यक्ष पुष्पकमल दाहाल प्रचण्ड, उपाध्यक्ष नारायणकाजी श्रेष्ठ, उपमहासचिव वर्षमान पुन सहभागी छन् । नेपाल समाजवादी पार्टीको तर्फबाट अध्यक्ष माधवकुमार नेपाल , नेता बेदुराम भुसाल, राप्रपा नेता बुद्धिमान तामाङ, रास्वपा कार्यवाहक सभापति डीपी अर्याल, आम जनता पार्टीका अध्यक्ष प्रभु साह, नेसपा अध्यक्ष महेन्द्र राय यादव लगायत सहभागी छन् ।
प्रकाशित मिति: २ माघ २०८१, बुधबार
