१५ चैत्र २०७९, बुधबार
१५ चैत्र, काठमाडाैँ । नेकपा एमालेबाट वडा सदस्यमा निर्वाचित एक जनप्रतिनिधि रोजगारीका लागि विदेश गएका छन्। इलामको देउमाइ नगरपालिका वार्ड नं ५ बाट निर्वाचित भएका वडा सदस्य कैलाश श्रेष्ठ रोजगारीका लागि कोरिया गएका हुन् ।
उनले २०२२ को ईपीएस परीक्षा उत्तीर्ण गरेसँगै रोजगारीका लागि उक्त गन्तव्यमा गएका हुन् । उनी रोजगारीका लागि विदेश गएपछि उनि निर्वाचित भएको पद अहिले रिक्त भएको छ ।
उनले नेपालमा बसेर आफ्नो आर्थिक अवस्था सुधार गर्ने सम्भावना नदेखका कारण विदेशिनुपरेको प्रतिक्रिया दिएका छन् ।
तर, गत वैशाखमा भएको स्थानीय तहको निर्वाचमा उठ्दै गर्दा उनले युवाहरू विदेशिनुपर्ने बाध्यता हटाउने, स्वरोजगारका अवस्था सिर्जना गर्ने र आर्थिक अवस्था सुधारका उपायहरू ल्याउने घोषणापत्र सार्वजनिक गरेका थिए ।
प्रकाशित मिति: १५ चैत्र २०७९, बुधबार
