सिरिया—इरानीबीच आतंकवाद विरुद्धको आक्रमण तिब्र बनाउने प्रतिवद्धता

काठमाडौँ । सिरियाली राष्ट्रपति बसर अल–असदले इरानी विदेशमन्त्री अब्बास अराघचीसँगको भेटमा आतंकवादी सङ्गठनहरूसँग पूर्ण शक्ति र दृढताका साथ लडाईं जारी राख्न प्रतिवद्धता गरेका छन् । दमास्कसमा बोल्दै असदले सिरियाको विद्रोही विरुद्धको लडार्इंले राष्ट्रिय स्वार्थ मात्र नभई क्षेत्रीय स्थायित्वमा पनि काम गर्ने कुरामा जोड दिए । आतंकवादको सामना गर्नु, यसको संरचनालाई ध्वस्त पार्नु र यसको स्रोतहरू सुकाउनुले सम्पूर्ण क्षेत्रलाई फाइदा पु¥याउने बताएका छन् ।

सिरियाली राष्ट्रपतिले विदेशी समर्थित आतंकवादी हमलाहरूको सामना गर्न सहयोगीहरूको समर्थनको महत्वलाई प्रकाश पारेका छन् । अराघचीले सिरियाको क्षेत्रीय अखण्डताप्रति इरानको प्रतिवद्धता र चलिरहेको द्वन्द्वमा व्यापक समर्थन प्रदान गर्नको लागि आफ्नो तत्परतालाई पुनः पुष्टि गर्दै इरानी नेतृत्वबाट समर्थनको सन्देश दिए ।