१७ मंसिर २०८१, सोमबार
काठमाडौँ । पाकिस्तानको उत्तरपश्चिमी खैबर पख्तुनख्वा प्रान्तको कुर्रम जिल्लामा भएको साम्प्रदायिक हिंसामा मृत्यु हुनेको संख्या १२४ पुगेको स्थानीय प्रशासनले जनाएका छन् । पछिल्लो २४ घण्टामा सशस्त्र भिडन्तमा थप १६ जनाको मृत्यु भएपछि मृत्यु हुनेको सङ्ख्या बढेको जिल्ला प्रशासन कार्यालयका एक अधिकारीले जानकारी दिए । १७० भन्दा बढी घाइते भएका छन् । गत नोभेम्बर २१ मा जिल्लाको मण्डोरी उचित क्षेत्रमा पराचिनार क्षेत्रबाट आउँदै गरेको यात्रुवाहक गाडीमा सशस्त्र व्यक्तिले आक्रमण गर्दा बालबालिका र महिलासहित ५२ जनाको ज्यान गएपछि हिंसा शुरु भएको थियो ।
अधिकारीका अनुसार घटनाले शिया र सुन्नी मुस्लिमहरूसहित दुई समूहहरू बीच सशस्त्र झडप र आक्रमणहरू निम्त्याएको छ । यात्रुवाहक बसमा भएको आक्रमणपछि प्रदेश सरकारको उच्चस्तरीय प्रतिनिधिमण्डल जिल्ला भ्रमणमा गएर वृद्धवृद्धासँग भेटघाट गरी युद्धविरामको सहमति भएपनि झडप रोक्न सकेको छैन ।
प्रकाशित मिति: १७ मंसिर २०८१, सोमबार
