११ मंसिर २०८१, मंगलवार
काठमाडौँ । हनी ट्र्यापमा पारी आपराधिक लाभ लिएको घटनामा निलम्बित प्रहरी निरीक्षक (इन्स्पेक्टर) बिनुकुमारी शाहीसहित सरकारी वकिलको कार्यालय ललितपुरले जिल्ला अदालत ललितपुरमा ६ जनाविरूद्ध मुद्दा दायर भएको छ।
जबरजस्ती करणीको मुद्दा लगाउने धम्की दिएर संखुवासभा घर भई ललितपुरको सानागाउँ बस्ने इन्द्रकुमार राईबाट उनीहरूले सुरूमा ६० लाख रकम माग गरेको र ३० लाख रकम असुल गरेको आरोप छ। बार्गेनिङ गरेर इन्द्रकुमारले सुरूमा २० लाख रकम भीमादेवीको खातामा पठाएका थिए भने १० लाखको चेक काटेर दिएको खुलेको हो।
उनीहरूले इन्द्रकुमारलाई प्रहरी प्रभाग बुंगमतीमा पुर्याएर इन्स्पेक्टर शाहीकै अगाडि उक्त रकम माग गरेको खुलेको हो।
प्रकाशित मिति: ११ मंसिर २०८१, मंगलवार
