८ आश्विन २०८१, मंगलवार
काठमाडौं । झापाको बिर्तामोडमा १५ दिने किताव मेला शुरु भएको छ ।
सोमवारबाट शुरु भएको किताव मेला आगामी असोज २३ गतेसम्म चल्ने मेला आयोजक संस्थाहरूमध्ये वीरता रिडर्सका संयोजक तीर्थ सिग्देलले जानकारी दिएका छन् । मेलामा विभिन्न विधानका कितावहरू राखिएको छ । झापाली साहित्यकारहरूले रचना गरेका कितावहरूको छुट्टै स्टल राखिएको छ । वर्तमान अवस्थामा मानिसहरूमा किताव पढ्ने बानी हराउँदै गएकाले पढ्ने संस्कृतिको विकास गर्ने उद्देश्यले मेलाको आयोजना गरिएको सिग्देलले जानकारी दिएका छन् । मेलाले घर÷घरमा पठन संस्कृतिको विकास गर्नका लागि मिनी लाइब्रेरी स्थापना गर्न प्रेरित गर्न सहयोग मिल्ने सिग्देलको भनाइ छ । उहाँले दशैँँमा आफन्तजनलाई किताव उपहार दिने प्रचलन विकास गर्नु मेलाको उद्देश्य रहेको पनि बताए ।
दशैँमा पुस्तक उपहार दिइयो भने त्यसले छुट्टै महत्व राख्ने आयोजक संस्थाहरूको धारणा छ । मेला अवधिभर विभिन्न साहित्यसम्बन्धी अन्तरसंवादका कार्यक्रमहरू आयोजना गरिने जनाइएको छ ।
प्रकाशित मिति: ८ आश्विन २०८१, मंगलवार
