७ आश्विन २०८१, सोमबार
काठमाडौं। नेपालका प्रथम राष्ट्रपति डा. रामवरण यादवले प्रकृति नभए संस्कृति र सभ्यता बाँच्न नसक्ने बताएका छन् ।
आईतवार काठमाडौंमा वृहत नाट्यग्रन्थ नेपाली नाट्यविमर्श लोकार्पण कार्यक्रममा बोल्दै उनले सानो मुलुक भएपनि नेपाल प्रकृतिले भरिपूर्ण रहेको बताएका छन् । उनले मुलुक सानो नरहेको भन्दै तीन करोड जनसंख्यालाई मिलाएर लैजान सक्नुपर्ने बताउदै नेपालीहरु सारा विश्वमा नै फैलिएको बताए ।
उनले भने, ‘प्रकृति नभए संस्कृति र सभ्यता पनि बाँच्न सक्दैन । हाम्रो सानो मुलुक ठूलो मुलुकको बीचमा छ, त्यसैले सानो छ । तर हाम्रो मुलुक सानो छैन । तीन करोड हाम्रो जनसंख्या छ । नेपालीहरु सारा संसारमा फैलिएको छ । यो पुस्तकमा भारतका विभिन्न ठाउँका, साथै नेपालका विभिन्न क्षेत्रका नाटकहरुको बारेमा लेख्नुभएको छ । विभिन्न ठाउँमा हाम्रो देशका नागरिकहरु छन् । नेपालीहरु अहिले सारातिर फैलिसकेका छन् ।’
प्रथम राष्ट्रपति यादवले नाट्य विधा उत्कृष्ट र महत्वपूर्ण रहेको बताएका छन् ।
प्रकाशित मिति: ७ आश्विन २०८१, सोमबार
