२५ भाद्र २०८१, मंगलवार
काठमाडौं। नेकपा(माओवादी केन्द्र)का सांसद माधव सापकोटाले उपसभामुख इन्दिरा रानामाथि महाअभियोग लगाए कानूनी उपचार खोज्ने बताएका छन् । उनले महाअभियोग लगाए सत्तारुढ दलहरुले ठुलो मुल्य चुकाउनुपर्ने चेतावनी दिदै उनले उपसभामुखमाथि लगाइएको आरोपको धरातल बलियो नभएको बताएका छन् ।
उनले भने , ‘यो दर्ता भएर प्रक्रियामा अगाडी गयो भने सत्तापक्षले अथवा सरकारको नेतृत्व गरिराखेका दुई ठुला पार्टीले यसको मूल्य महंगो नै चुकाउनुपर्छ भन्ने हाम्रो बुझाई छ । उपसभामुख सामाजिक अभियन्ता, गैर राजनीतिक पृष्ठभुमिमा आउनुभएको हो । उहाँहरुले जे धरालत समाउन खोजिराख्नुभएको छ, त्यो त्यति बलियो छैन । महाअभियोग लगाएर हटाउनुपर्ने तहको अपराध त्यो होइन । केही कमजोरीहरु हुन् । यस्तो भयो भने यसको कानूनी हिसाबले पनि र जनताको बिचमा जाने सडक संघर्षमा जाने हुनसक्छ । यो एउटा हटाएर अरु सबै संस्थाका प्रमुखहरुलाई आतंक सिर्जना गर्ने, भय सिर्जना गर्ने र त्यसबाट अनुचित लाभ लिने प्रकारको इन्टेन्शन पनि देखिन्छ । कानुनी हिसावले प्रतिवाद गर्नुको विकल्प छैन ।’
उनले उपसभामुखलाई हटाएर अन्य संस्थाका प्रमुखहरुमा पनि आतंक सिर्जना गर्न खोजिएको बताएका छन् ।
प्रकाशित मिति: २५ भाद्र २०८१, मंगलवार
