२७ श्रावण २०८१, आईतवार
काठमाडाैं। शनिवारको दिन समान्यतया अफिसियल कामको बोझबाट मुक्त रहेर पारिवार र आफन्तसँग समय बिताउने दिन हो । तर संस्कृति, पर्यटन तथा नागरिक उड्डयनमन्त्री बद्रिप्रसाद पाण्डे शनिवार पनि निकै व्यस्त देखिनु हुन्थ्यो । शनिवार मान्त्रालयहरु बन्द रहे पनि हवाइ सुरक्षाका विषयमा सम्बन्धित अन्य मन्त्रालयका मन्त्रीहरुको निवास मै पुगरे आवश्यक समन्वय र सहकार्यका विषयमा छलफल गर्ने काममा नै उहाँ व्यस्त हुनुहुन्थ्यो ।
साँझ ठीक ७ बजेको थियो सचिवालयको टिम गुगलमिट र फोन मार्फत जिल्लाबासीसँग हरेक शनिवार गरिने नियमित भेटघाटका लागि तयारी अबस्थामा थियो । केही मिनेट ढिलो गरी मन्त्री पाण्डे निवास पुग्नभयो र सबैलाई अभिवादन गर्दै जिल्ला बासीको समस्या सुन्न थाल्नुभयो । सुरुमा नै उहाँले जिल्लामा करेन्ट लागेर एक जनको मृत्यु भएको र बाजुरको दुर्गम उत्तरी भेगको हिमाली गाउँपालिका ३ को गोरुखर्कमा गएको पहिरोमा परी चार जना घाइते भएको खबरबाट दुखित भएको सुनाउँदै ती घटनाको थप अपडेट लिनु भयो । घाईते भएका आफन्तसँग समेत कुराकानी गर्दै समस्याका प्रशासनिक रूपमा उद्वार र राहतमा कुनै कमी हुन नदिने प्रतिवद्धता व्यक्त गर्नुभयो । साथै शनिबार करेन्ट लागेर ज्यान गुमाएका बडिमालिकाका एक युवाको बारेमा समेत जानकारी लिनुभयो ।
पहिलोपटक मन्त्री बन्नु भएका युवा नेता पाण्डे गृह जिल्ला बाजुराबासीका पीर मर्काहरू प्रति सजग र सचेत रूपमा देखिनु भएको छ । मन्त्री एक महिना नपुग्दै एक पछि अर्को गरी भएका हवाई दुर्घटनाका कारण उहाँले जिल्ला मै पुगरे स्थानीयबासीसँग खुशी साटासाट गर्ने तथा सुखदुखका कुरा गर्ने समय निकाल्न सक्नु भएको छैन । तर पनि जिल्लाको गरिबी ,भौगोलिक विकटताका साथै अभावलाई नजिकबाट नियाल्नु भएका मन्त्री पाण्डे मन्त्रीको जिम्मेवारी सम्हालेदेखि नै प्रत्येक हप्ताको शनिबार गुवलमिट र फोन कल मार्फत जिल्लाबासीका समस्या सुन्ने र समस्या समाधानका लागि पहल कदमी गर्दै आउनु भएको छ ।
भर्चुयल भेटघाट शुरु भएको चौथो हप्ता पूरा भएको छ । सामाजिक सञ्जालको पहुँचमा नभएका जिल्लाबासीसँग पनि सम्पर्क कायम गर्न र सुखदुख बुझन उहाँ आफैले फोन कल पनि गर्न भ्याउनु हुन्छ । चौथो शनिवार उहाँले बुढिगंगा नगरपालिका १ का ज्येष्ठ नागरिक गोकुलबहादुर सिंहसँग फोन सम्वाद गर्नुभयो । साँझपख झमझम पानि परिरहेका बेला एक्कासि मन्त्रीले फोन गरेर हालखबर के छ बा भन्दा गोकुलबहादुर अलमलमा पर्नुभयो । तर पछि उहाँले रातदिन झरी परिरहेकाले समस्या भएको सुनाउँदै मन्त्रीसँग कुरा गर्न पाउँदा निकै खुशी लागेको बताउनुभयो ।
गुगलमिटमा पालो कुरी रहनु भएको स्थानीय भरत बहादुर बुढाले बडिमालिका, बुढिनन्दा लगायतका मन्दिरमा लाग्ने मेलाको सुरक्षाबारे ध्यानाकर्षण गराउनु भयो । लगत्तै मन्त्री पाण्डेले जिल्ला प्रशासन कार्यालयका प्रमुखहरूसँग यसबारे गम्भीर रूपमा कुराकानी गरेर प्रवन्ध मिलाउने आश्वासन समेत दिनु भयो । जिल्लाका स्थानीयहरूले साँफे मार्तडी सडक खण्डको नियमित सञ्चालन हुनु पर्ने,धार्मिक पर्यटकीय क्षेत्रको विकासमा ध्यान दिनुका साथै जिल्लामा शान्ति सुरक्षा र समसामयिक विषयमा ध्यान दिन अनुरोध गर्दै आउनु भएको छ ।
प्रकाशित मिति: २७ श्रावण २०८१, आईतवार
