२२ श्रावण २०८१, मंगलवार
नयाँ दिल्ली । बंगलादेशकी निवर्तमान प्रधानमन्त्री शेख हसिना वाजेद सोमबार भारत आइपुगेपछि के गर्दै छिन् भन्ने विषयमा विस्तृत जानकारी दिइएको छैन । उनी सोमबार साँझ भारत आइपुगेकी थिइन् ।
सोमबारै राति भारतीय प्रधानमन्त्री नरेन्द्र मोदीको अध्यक्षतामा क्याबिनेट कमिटी अन सेक्युरिटीको बैठक बसेको थियो । उक्त बैठकमा बंगलादेशको वर्तमान अवस्थाका बारेमा छलफल गरिएको इन्डियन एक्सप्रेसले जनाएको छ ।
बैठकमा गृहमन्त्री अमित शाह, रक्षामन्त्री राजनाथ सिंह, विदेशमन्त्री एस जयशंकर, अर्थमन्त्री निर्मला सीतारमण र गुप्तचर निकायका वरिष्ठ अधिकारीहरू संलग्न थिए । हसिना भारतबाट बेलायत जान सक्ने उक्त अखबारले जनाए पनि कहिले भन्ने खुलाइएको छैन ।
प्रकाशित मिति: २२ श्रावण २०८१, मंगलवार
