भोटखोलामा एक महिनादेखि यातायात सेवा अवरुद्ध

सङ्खुवासभा । सङ्खुवासभाको उत्तर दक्षिण कोशी राजमार्गअन्तर्गतको भोटखोला सडक एक महिनादेखि बन्द छ। मकालु–३ र भोटखोला–४ को गाउँपालिका जोड्ने इकुवा खोलाको पक्की पुल बगाएपछि यातायात सेवा अवरुद्ध भएको हो।

गत असारको पहिलो साताको बाढीपहिरोले इकुवा खोलाको पक्की पुल बगाएको थियो। मकालु गाउँपालिका–३ इकुवा खोलामा पक्की पुल बगाउँदा भोटखोला गाउँपालिका जाने सडक बन्द भएको हो।

उक्त पुल २०७९ सालमा निर्माण गरिएको थियो। पक्की पुल बगाएपछि मकालु गाउँपालिका केही वडा र भोटखोला गाउँपालिका प्रभावित भएका छन्।