७ श्रावण २०८१, सोमबार
काभ्रेपलानन्चोक । तेमाल गाउँपालिका ७ चापाखोरीमा रहेको सन्तानेश्वर महादेव मन्दीरकाे पुनर्निमाण सम्पन्न भएकाे छ । साउन महिनाको पहिलो सोमबार पारेर पुरातात्विक शैलीमा पुनर्निर्माण भएकाे महादेव मन्दिरकाे बैदिक बिधि अनुसार प्राणप्रतिष्ठा(मन्दिर मात्रकाे) गरिएकाे हाे ।
मन्दीर व्यवस्थापन समिति सदस्य निराजन मैनालीका अनुसार पुरातत्व विभागकाे सहयाेगमा मन्दीरकाे पुनर्निमाण सम्पन्न भएकाे हाे ।’सन्तानेश्वर महादेव मन्दीरको पुरातात्विक शैलीमा पुनर्निमाण सम्पन्न भएकाे छ ।साउन महिनाको पहिलो सोमबार पारेर मन्दीरकाे पुजा सम्पन्न भयाे,’मैनालीले एक्युरेट खबरसँग भने ।
मन्दीर निर्माणका जानकार स्थानीय मिनप्रसाद पाण्डेले पुनर्निमाण सम्पन्न भएसँगै स्थानीयकाे उपिस्थितिमा बैदिक बिधि अनुसार मन्दीरमा पुजा गरिएकाे बताए । ‘महादेव स्वयम उत्पत्ति हुनुभएकाे स्थान हाे । नयाँ मुर्ति स्थापना गरिएकाे हाेइन । मन्दीर नयाँ स्वरूपमा बनेकाले मन्दीरकाे बैदिक बिधि अनुसार पुजा गरिएकाे हाे । यसलाइ मन्दीर मात्रकाे प्राणप्रतिष्ठा गरिएकाे पनि भनिन्छ,’उनले एक्युरेट खबरसँग भने ।
साउन महिना र सोमबारको दिनलाइ भगवान् शिवको विशेष महिना र बार मानिन्छ। सन्तानेश्वर महादेवको मन्दिर धार्मिक पर्यटनको हिसाबले प्रचुरता बोकेको स्थानको रुपमा परिचित रहेको छ ।
तेमाल गाउँपालिकाको पोखरीनारयणस्थान स्थित नारायणको ऐतिहासिक मन्दिर, सोही परिसरमा रहेको बौद्ध, स्वयम्भू र नमोबुद्ध स्तुपाहरु, तोङसुम कुण्ड, कुरुवास चापाखोरीमा रहेको सन्तानेश्वर महादेवको मन्दिर धार्मिक पर्यटनको हिसाबले प्रचुरता बोकेको स्थानको रुपमा परिचित रहेको छ ।
तस्विरहरूः शंकर चिमाैरीया ।
प्रकाशित मिति: ७ श्रावण २०८१, सोमबार
