२ श्रावण २०८१, बुधबार
रुपन्देही । बाँके प्रहरीले नक्कली डिएसपी पक्राउ गरेको छ । डीएसपी हुँ भन्दै ठगी गर्ने दैलेख नारायण नगरपालिका ५ बस्ने ३० वर्षीय नैनसिंह विक पक्राउ परेका हुन् ।
विकले विगत तीन महिनादेखि बाँकेका विभिन्न सरकारी कार्यालयहरूमा गई आफू सीआईबीको डीएसपी नवीन शाही हुँ भन्दै कार्यालय प्रमुख र अन्य कर्मचारीहरूलाई भेट्ने, कुराकानी गर्ने र सर्वसाधारणलाई ठगी गर्ने गरेको पाएपछि मङ्गलवार कोहलपुर नगरपालिका ११ बाट नियन्त्रणमा लिइएको हो ।
विकले ठगी गरेको भए इलाका प्रहरी कार्यालय कोहलपुर बाँकेमा जानकारी गराउन तथा सम्पर्क गर्न सरोकारवालालाई प्रहरीले आग्रहसमेत गरेको छ ।
केही व्यक्तिहरूलाई उनले धम्काएर ठगी गरेको समेत सूचना प्रहरीले पाएको छ । बाँके प्रहरी प्रवक्ता नारायण डाँगीका अनुसार विकका विषयमा केही उजुरी परेकाले पक्राउ परेको र अनुसन्धान जारी रहेको छ ।
प्रकाशित मिति: २ श्रावण २०८१, बुधबार
