२० असार २०८१, बिहीबार
काठमाडौं । राष्ट्रिय स्वतन्त्र पार्टी (रास्वपा)का मन्त्रीहरुले आज राजीनामा दिँदै छन् ।
रास्वपाका प्रमुख सचेतक सन्तोष परियारले आज बिहान प्रधानमन्त्री पुष्पकमल दाहाल प्रचण्डलाई भेटेर मन्त्रीहरुले राजीनामा बुझाउने जानकारी दिएका छन् ।उनले भने ‘हिजो नै राजीनामा दिने सोचेका थियौं तर पार्टी बैठकले सम्भव भएन ।
अहिले बिहान आठ बजे प्रधानमन्त्रीलाई राजीनामा बुझाउने तयारी छ,’ परियारले भने । बुधबार नेकपा एमालेले सरकारलाई दिएको समर्थन फिर्ता लिदै राजिनामा बुझाएपछि प्रचण्ड सरकार अल्पमतमा परेको छ। प्रचण्ड सरकार ढल्ने निश्चित भएपछी रास्वपाका मन्त्रीहरुले पनि सरकार छाड्न लागेका हुन्।
सरकारमा रास्वपाबाट सभापति रवि लामिछाने उपप्रधानमन्त्री तथा गृहमन्त्री ,उपसभापति डोलप्रसाद अर्याल श्रम तथा रोजगार मन्त्री, सुमना श्रेष्ठ शिक्षा मन्त्री र विराजभक्त श्रेष्ठ युवा तथा खेलकुद मन्त्री छन् ।
प्रकाशित मिति: २० असार २०८१, बिहीबार
