९ चैत्र २०७९, बिहीबार
९ चैत्र, काठमाडाैँ । काठमाडाैँ महानगरले काठमाडौं प्लाजा (भवन) भाडामा लिएको छ । कमलादीमा रहेको उक्त भवन महानगरले १० वर्षका लागि भाडामा लिएको हो ।
बुधबार ट्रस्ट र महानगरपालिकाले यससम्बन्धि सम्झाैतापत्रमा हस्ताक्षर गरेका छन् ।
महानगरले उक्त भवनको मासिक ६० लाख ५० हजार भाडा दिने गरी सम्झौता गरेको छ । यो सम्झाैता आजैबाट लागु हुने तथा पाँच वर्षपछि भाडा १० प्रतिशत वृद्धि हुने सम्झौतापत्रमा उल्लेख गरिएको छ ।
महानगरका सबै कार्यालय एकै ठाउँमा राखेर सेवा प्रवाह प्रभावकारी बनाउन महानगरले उक्त भवन भाडामा लिएको बताएको छ । महानगरले उक्त भवन भाडामा दिन नपाउने गरी सम्झाैता भएको छ ।
मुद्दामामिलाका कारण काठमाडौं प्लाजा झन्डै तीन वर्षदेखि खाली रहेको थियो । यस अवधिमा ट्रस्टले करोडौँ भाडा गुमाइसकेको छ ।
प्रकाशित मिति: ९ चैत्र २०७९, बिहीबार
