२ असार २०८१, आईतवार
काठमाडौँ। स्टार्टअप वर्ल्डकप नेपाल एडिसन २०२४ को फाइनल यही असार १३ गते हुने भएको छ । स्टार्टअप वर्ल्डकप नेपालले आज पत्रकार सम्मेलन गरी यही असार १३ गते नेपाल एडिसन २०२४ को फाईनल कार्यक्रम राष्ट्रिय नाचघरमा हुने जनाएको छ ।
स्टार्टअप हब नेपालले जिल्ला समन्वय समिति काठमाडौँसँगको सहकार्यमा विश्वभरका एक सय देशमा हुने स्टार्टअपको प्रतिस्पर्धा नेपालमा आयोजनामा गर्ने लागेको हो ।
समन्वय समितिका संयोजक शन्तोष बुढाथोकीले अमेरिकी स्याटलाइट कम्पनी स्पेस एक्सको फन्डरेजिङ कम्पनी पिगासस टेक भेन्चरले स्टार्टअप वल्र्डकपको सुरुआत गरेको हो । नेपालमा वर्ल्ड ट्रेड ग्रुप नेपालले आफ्नो सिस्टर कन्सर्न स्टार्टअप हब नेपालमार्फत स्टार्टअप वल्र्डकप नेपाल भित्र्याएको वर्ल्डकप नेपालका अध्यक्ष शम्भु पोखरेलले जानकारी दिएका छन् ।
उनले स्टार्टअप वर्ल्डकपको नेपाल एडिसनमा छनोट भएका उत्कृष्ट १० स्टार्टअप मध्यबाट असार १३ गते नेपाल च्याम्पियन छानिने एक जनालाई अमेरिकाको सान-फ्रान्सिस्कोमा विश्वव्यापी प्रतिस्पर्धामा सहभागी गराइने जानकारी दिए । स्टार्टअप विश्वविजेता बन्न सकेमा एक मिलियन डलर (रु १३ करोड नेपाली बराबर) लगानी पुरस्कार पाउने वल्र्डकप नेपालका अध्यक्ष पोखरेलले बताए ।
प्रकाशित मिति: २ असार २०८१, आईतवार
