११ जेष्ठ २०८१, शुक्रबार
काठमाडाैं । नेपाल तरुण दलले गृहमन्त्री रवि लामिछानेको राजीनामा माग्दै राजधानीमा राँके जुलुस निकालेको छ ।शुक्रबार साँझ काठमाडौँको इन्द्रचोकबाट अघि बढेको जुलुसका सहभागीले सहकारी ठगी प्रकरणमा लामिछानेले सत्ताशक्तिको अहँकार देखाएको भन्दै राजीनामा माग गरेका हुन् ।
संसदीय छानबिन समितिको गठनको माग गर्दै तरुण दलले जुलुसको आयोजना गरेको हो। जुलुस र कोणसभालाई कांग्रेसको भ्रातृसंगठन तरुण दल काठमाडौँ ८काा नेताका सुरेश श्रेष्ठ जिल्ला सचिव दिनेश विक्रम शाह, केन्द्रीय रत्न महर्जन , विवेक श्रेष्ठ, चक्र कठायत , नेपाल विद्यार्थी सङ्घ केन्द्रीय सदस्य उज्ज्वल बजचार्य लगायतले नेतृत्व गरेका थिए ।
कोणसभामा बोल्दै दिनेश विक्रम शाहले सहकारीको रकम अपचलन गर्ने गोर्खा मिडियाका अध्यक्ष जीबी राईको खोजी गर्न ढिलाइ गर्नुको कारण कतैशालिग्राम पुडासैनी, लामिछानेका ड्राइभरकप जस्तै हविगत जीबी राईको भइसकेको र जिबिराई काठको बाकसमा त आउने होइनन् । अनि गृहमन्त्री लामिछाने थाहा छैन भनेर पन्छिने त होइन भनेर आरोप लगाए ।
नेपाल विद्यार्थी संघका कार्यवाहक सभापति रहिसकेका केन्द्रीय सदस्य उज्वल बज्राचार्यले सरकारको यही रवैया हो भने क्याबिनेटमा मात्रै हल्ला हुने होइन। प्रधानमन्त्रीकै कुर्सी फेर्न सरकार परिवर्तनको आन्दोलन काठमाडौँबाट गर्ने उद्घोष गरेका छन्।
प्रकाशित मिति: ११ जेष्ठ २०८१, शुक्रबार
