४ बैशाख २०८१, मंगलवार
बारा । बाराको जितपुर सिमरा उपमहानगरपालिकामा तेल ट्यांकरले मोटरसाइकलमा ठक्कर दिँदा जिल्ला प्रहरी कार्यालय पर्सामा कार्यरत प्रहरी जवान २९ वर्षीय दिनेश परियारको मृत्यु भएको छ ।
दुर्घटनापछि रवानीपुरस्थित एल.एस. न्युरो हस्पिटल पुर्याएको उनको उपचारको क्रममा राति मृत्यु भएको जिल्ला प्रहरी कार्यालय बाराले जनाएको छ ।
सोमबार राति १० बजेको समयमा परियार चढेको ग १४ प ५९७२ नम्बरको मोटरसाइकललाई एकै दिशातर्फ जाँदै गरेको ना ७ ख ३०२६ नम्बरको ट्याङ्करले पछाडिबाट ठक्कर दिएको थियो ।
प्रकाशित मिति: ४ बैशाख २०८१, मंगलवार
