१ बैशाख २०८१, शनिबार
काठमाडौं । आज देखि काठमाडौंको ठमेल र दरबारमार्ग क्षेत्र २४ सैं घण्टा सञ्चालन हुने भएको छ ।शनिबार साँझ ठमेल पुगेका उपप्रधान तथा गृहमन्त्री रवि लामिछानेले यी दुई क्षेत्र पूर्णकालीन समय खुलाउने कार्यक्रमको घोषणा गरेका हुन् ।
ठमेल पर्यटन विकास परिषद् र दरबारमार्ग विकास बोर्डको संयुक्त आयोजनामा ठमेलमा आयोजित कार्यक्रममा उपप्रधानमन्त्री लामिछानेले उक्त घोषण गरेका हुन् । त्यसक्रममा लामिछानेले ठमेलमा सञ्चालन भइरहेको रात्रिकालिन व्यवसायको समेत अवलोकन गरेका छन् । यसअघि जिल्ला प्रशासन कार्यालय काठमाडौँले आचारसंहिता निर्माण गरि ठमेल क्षेत्रलाई आज नयाँ वर्षदेखि २४ सै घण्टा सञ्चालन गर्ने निर्णय गरेको थियो ।
प्रकाशित मिति: १ बैशाख २०८१, शनिबार
