महिनाको नाम र नक्षत्रको सम्बन्ध

महिनाको नाम र नक्षत्रको सम्बन्ध रहन्छ । यसरी पूर्णिमा र नक्षत्रको संयोगका आधारमा बाह्र महिनाको नाम निर्धारण गरिएको छ । त्यसैले महिनाका यी नामहरु कुनै संवत विशेषको एकलौटी होइन । यिनलाई जुनसुकै संवतमा प्रयोग गर्न सकिन्छ ।

१. विशाखा नक्षत्रका दिन पूर्णिमा हुने महिनालाई वैशाख भनिन्छ ।
१. ज्येष्ठा नक्षत्रका दिन पूर्णिमा हुने महिनालाई ज्येष्ठ भनिन्छ ।
३. पूर्वाषाढा नक्षत्रका दिन पूर्णिमा पर्ने महिनालाई आषाढ भनिन्छ ।
४. श्रवण नक्षत्रमा पूर्णिमा पर्ने महिनालाई श्रावण भनिन्छ ।
५. पूर्वाभाद्रपदा नक्षत्रका दिन पूर्णिमा पर्ने महिनालाई भाद्र भनिन्छ ।
६. अश्विनी नक्षत्रका दिन पूर्णिमा पर्ने महिनालाई आश्विन भनिन्छ ।
७. कृत्तिका नक्षत्रका दिन पूर्णिमा पर्ने महिनालाई कार्तिक भनिन्छ ।
८. मृगशिरा नक्षत्रका दिन पूर्णिमा पर्ने महिनालाई मार्ग भनिन्छ ।
९. पुष्य नक्षत्रका दिन पूर्णिमा पर्ने महिनालाई पौष भनिन्छ ।
१०. मघा नक्षत्रका दिन पूर्णिमा पर्ने महिनालाई माघ भनिन्छ ।
११. पूर्वाफाल्गुनी नक्षत्रका दिन पूर्णिमा पर्ने महिनालाई फाल्गुन भनिन्छ ।
१२. चित्रा नक्षत्रका दिन पूर्णिमा पर्ने महिनालाई चैत्र भनिन्छ ।