सूचनाको हक कार्यन्वयनमा महासंघहरुको भूमिकाबारे अन्तरक्रिया सम्पन्न

काठमाडाैं । राष्ट्रिय सूचना आयोगले आयोजना गरेको सूचनाको हक कार्यन्वयनमा महासंघहरुको भूमिका विषयक अन्तरक्रिया कार्यक्रम आज सम्पन्न भएकाे छ । प्रमुख अतिथि शिक्षा, स्वास्थ्य तथा सूचना प्रविधि समितिका माननीय सभापति अमर बहादुर थापाको प्रमुख अतिथ्यता र प्रमुख सूचना आयुक्त महेन्द्र मान गुरुङको अध्यक्षता रहेको थियाे ।

सूचना आयुक्तहरु कमला ओली थापा र रत्न प्रसाद मैनाली, सचिव, विभिन्न महासंघ्हरुका अध्यक्ष तथा प्रतिनिधिहरु, संचारकर्मी तथा आयोगका कर्मचारीहरुको उपस्थिति रहेको थियो । कार्यक्रममा सूचना आयुक्त रत्न प्रसाद मैनालीले कार्यपत्र प्रस्तुत गर्नु भएको थियो भने स्वागत मन्तव्य सचिव होम प्रसाद लुइंटेलले र संचालन अधिकृत जीवन कुँवरले गर्नु भएको थियो ।