५ चैत्र २०७९, आईतवार
५ चैत्र, काठमाडाैँ । त्रिभुवन विश्वविद्यालयमा १४ वर्ष पछि भएको स्ववियु निर्वाचनमा नेपाल विद्यार्थी संघले बाजी मारेको छ । ३४२६ विद्यार्थी मतदाता भएको उक्त क्याम्पसमा २०७५ मत खसेको थियो जसमा नेविसंघका उम्मेद्वार श्याम राज ओझाले ८९४ मत प्राप्त गरी निर्वाचित भएका छन् । ओझाले २१३ मतान्तरले विजय भएका छन् ।
उनका निकटतम प्रतिद्वन्द्वी अनेरास्ववियु का प्रकाश विष्टले ६८१ मत प्राप्त गदै ओझाले ८९४ मत प्राप्त गरी विजयी भएका हुन । त्रिभुवन विश्वविद्यालयमा सम्पूर्ण विद्यार्थी सङ्गठनहरूले आफ्नो उम्मेद्वारी दिएका थिए भने केही स्वतन्त्र उम्मेद्वार पनि सभापतिका लागि प्रतिस्पर्धा गरेका थिए ।
ओझा लामो समयदेखि पदमा नरहँदा पनि विद्यार्थीको हक, हित र त्रिविको शैक्षिक सुधारका पक्षमा क्रियाशील थिए । उनले विद्यार्थीका सानासाना मुद्दालाई पनि गम्भीर भएर समाधानका लागि निरन्तर पहल गरिरहेका थिए । त्रिविको शैक्षिक सुधारका पक्षमा महत्वपूर्ण एजेण्डाका साथ प्रस्तुत भएका ओझा, विद्यार्थीहरूका माझ निकै लोकप्रिय थिए ।
प्रकाशित मिति: ५ चैत्र २०७९, आईतवार
