२२ माघ २०८०, सोमबार
काठमाडौं। मानव अधिकार तथा शान्ति समाजले काठमाडौंस्थित रुसी दूतावास अगाडि प्रदर्शन गरेको छ । नेपालीहरूलाई रुसी सेनामा भर्ती गर्ने र युद्धमा प्रयोग गर्ने कार्यको विरोध गर्दै मानव अधिकारकर्मीहरूले सोमबार दिउँसो प्रदर्शन गरेका हुन् ।
उक्त प्रदर्शनमा उनीहरूले रसियाः स्टप वार प्रोमोट पिस, ७१२ डेज अफ वारः नोथिङ अचिभ्ड एक्सेप्ट डिभास्टेशन’, ७१२ डेज अफ वारः गेइन्ड नथिङ, लस्ट मेनि थिङ्गस लगायतका प्लेकार्डहरू देखाएका थिए ।
उनीहरूले नेपालीहरूलाई रुसी सेनामा भर्ती गर्ने र युक्रेनसँगको युद्धमा प्रयोग गर्ने कार्य तत्काल रोक्न र युद्धमा प्रयोग भइरहेका नेपालीहरूलाई बिना सर्त सकुशल नेपाल फिर्ता गर्न रुसलाई आग्रह समेत गरेका छन् ।
प्रकाशित मिति: २२ माघ २०८०, सोमबार
