२२ माघ २०८०, सोमबार
काठमाडौं। सिन्धुपाल्चोकको हेलम्बु गाउँपालिका-७ चनौटे नयाँ बजार बस्ने ६१ वर्षीय सरन कुमार दंगाल सोही ठाउँस्थित सडकको नालीमा आइतबार मृत अवस्थामा फेला परेका छन् ।
त्यस्तै, राजधानीको चन्द्रागिरी नगरपालिका-१० बुद्वमन्दिर परिसरभित्र निर्माणाधिन भवनको रिजर्व पानीमा डुबेर एक जनाको मृत्यु भएको छ । मृत्यु हुनेमा सोही ठाउँ बस्ने घादिङ गजुरी गाउँपालिका घर भएका सरिता तामाङको छोरा १० वर्षीय सबिन तामाङ रहेको प्रहरीले जनाएको छ ।
प्रहरी प्रधान कार्यालयका अनुसार तनहुँको देवघाट गाउँपालिका-५ बगन्दीस्थित त्रिशुली नदीको किनारमा पनि गोरखा नगरपालिका-३ नारेश्वर बस्ने २९ वर्षीया अञ्जली तिवारी अर्याल मृत अवस्थामा फेला परेकी छिन् ।
प्रकाशित मिति: २२ माघ २०८०, सोमबार
